A na hori tataročka listnata

Text ľudovej piesne

1.
A na hori tataročka listnata,
beťar každa paradnica bohata,
[: ale krajša i fryšniša chudobna,
do roboty i do tanca sposobna. :]

2.
Ja parobok molodeňkyj jak ruža,
čom ňa nechceš paradnico za muža ?
[: Mam ja huňu i nohavky z drelichu,
što mi ušyl staryj krajčir z Verlichu. :]

3.
Mila moja nešpekuluj, nemudruj,
ked začalas ľubovati tak ľubuj.
[: Darmo ty mi, paradnico trucuješ,
bo ja znam, že ty len mene ľubuješ. :]

4.
Nebudu ša toho ročku ženity,
lem ja budu hori dolov chodyty.
[: Z falešnosty, nič nebude, dobri znaj,
choč poplačeš i tak na ňa zabyvaj. :]